Viborg, 21. februar 1170 Sammenfatning, DanskPave Alexander 3. tager Vor Frue kirke og augustinerkannikesamfundet i Viborg i sin beskyttelse og stadfæster kannikesamfundets rettigheder og privilegier. Viborg, 21. februar 1170 Originaltekst, LatinAlexander episcopus, seruus seruorum dei, dilectis filiis Suenoni, præposito ecclesie sancte Marie Wibergensis, eiusque fratribus tam præsentibus quam futuris regularem uitam professis in perpetuum.Pie postulacio uoluntatis effectu debet prosequente compleri, ut et deuocionis sinceritas laudabiliter enitescat et utilitas postulata uires indubitanter assumat. Eapropter, dilecti in domino filii, uestris iustis postulacionibus clementer annuimus et predecessoris nostri pie recordationis Innocentii pape uestigiis inhærentes præfatam ecelesiam sancte Marie, in qua diuino estis obsequio mancipati, sub beati Petri et nostra protectione recipimus et presentis scripti priuilegio communimus. Inprimis siquidem statuentes, ut ordo canonicus, qui secundum deum et beati Augustini regulam in eadem ecclesia institutus esse dinoscitur, perpetuis ibidem temporibus inuiolabilitcr obseruetur. Preterea quascunque possessiones, quæcunque bona eadem ecclesia inpresentiarum iuste et canonice possidet aut in futurum concessione pontificum, largicione regum uel principum, oblacione fidclium seu aliis iustis modis prestante domino poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis. Ecclesiam beate Margarete uirginis, quam uenerabilis frater noster Nicholaus, episcopus uester, sicut ex litteris eius accepimus, uobis assignauit, necnon et ecclesiam beati Martini, que in insula Phur [est], ita quod utraque illarum de cetero in ordinacione ac disposicione uestra consistat, deuocioni uestre auctoritate apostolica confirmamus. De uictu etiam quadragesimali, quem episcopus in ecclesia uestra aliquando habuit, unde contentiones [oriri] et religio uestra non modicum turbari consueuit, statuimus, ut sicut iamdictus episcopus eum uobis per priuilegium suum equa consideracione resignasse dinoscitur et in posterum remisisse, ita decetero conseruetur, nec ei uel successori suo uictum a uobis contra hoc aliquo tempore exigere liceat. Prohibeinus insuper, ut episcopus de oblacionibus, que ad corpora sanctorum in uestra afferuntur ecclesia, nichil ultra quartam partem, quam consueuit tabere, recipiat. Ad hec uobis significatione presentium indulgemus, ut predia uel possessiones ecclesie uestre, siue infra ciuitatem uestram siue extra consistant, nullus iniuste contra disposicionem uestram inuadere uel retinere presumat. In electione uero episcopi uestri primam uocem, cum sitis cathedralis ecclesie canonici, habeatis, quemadmodum noscitur uobis de canonum iure competere et de antiqua consuetudine usque ad hec tempora obseruata, nec aliunde quis in uestrum episcopum eligatur, quamdiu secundum statuta canonum in ecclesia uestra, que cathedralis est, reperitur ydoneus, qui de canonico et concordi assensu sine omni prauitate possit assumi. Consuetudines autem claustrales, que in eodem loco uestro laudabiliter hactenus conseruate noscuntur, nemo peruersus in deterius audeat commutare, sed semper inconuulse in suo robore perseuerent. Ad hec adiicientes statuimus, ut nulli omnino principum absque prepositi et fratrum consensu aliquem de claustro liceat ammouere. [Sane] noualium etc. Sepulturam quoque ipsius loci liberam esse concedimus, ut eorum deuocioni et extreme uoluntati, qui se illic sepeliri deliberauerint, nisi forte excommunicati uel interdicti sint, nullus obsistat, salua tamen iusticia illarum ecclesiarum, a quibus mortuorum corpora assumuntur. Obeunte uero te nunc eiusdem loci preposito uel tuorum quolibet successorum, nullus ibi qualibet surrepcionis astucia seu uiolencia preponatur, nisi quem fratres communi consensu uel fratrum pars consilii sanioris secundum deum et beati Augustini regulam prouiderint eligendum. Decernimus igitur, ut nulli onmino hominum liceat prefatam ecclesiam temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed omnia integra conseruentur eorum, pro quorum gubernacione ac sustentacione concessa sunt usibus omnimodis profutura, salua sedis apostolice auctoritate et episcopi uestri canonica iusticia. Si qu[a] igitur in futurum ecclesiastica secularisue persona hanc nostræ constitutionis paginam sciens contra eam temere uenire temptauerit, secundo tertioue commonita, n[isi] reatum suum congrua satisfactione correxerit, potestatis honorisque [sui] dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu Christi aliena fiat atque in extremo o examine districte ulcioni subiaceat. Cunctis autem eidem loco sua iura seruantibus sit pax domini nostri Ihesu Christi, quatinus et hic fructum bone actionis percipiant et apud distrietum iudicem premia eterne pacis inueniant. Amen. Amen. (Under konteksten mellem rota med Alexander 11 Is devise: Vias tuas, domine, demonstra mihi og monogrammet Beneualete pavens underskrift og derunder kardinalernes:)Ego Alexander catholice ecclesie episcopus s[s].[†] Ego Hubaldus Hostiensis episcopus s[s].(†) Ego Bernardus Portuensis et sancte Rufine episcopus s[s].(t) Ego Hubaldus presbyter cardinalis titul[i] sancte Crucis in Ierusalem s[s].(†) Ego Iohannes presbyter cardinalis sanctorum Iohannis et Pauli ti tul[i] Pamachii s[s].† Ego Ildebrandus basilice xii. apostolorum presbyter cardinalis s[s].† Ego Iohannes presbyter cardinalis tituli sancte Anastasie [ss].† Ego Albertus presbyter cardinalis tituli sancti Laurencii in Lucina s[s].† Ego Guillelmus tituli sancti Petri ad uincla presbyter cardinalis s[s].† Ego Buso presbyter cardinalis sancte Pudenciane tituli Pastoris s[s].† Ego Petrus presbyter cardinalis tituli sancti Laurencii in Damaso s[s].† Ego Iohannes presbyter cardinalis tituli sancti Marci [ss].† Ego Theodinus presbyter cardinalis sancti Vitalis tituli Vestine s[s].† Ego Iacinctus diaconus cardinalis sancte Marie in Cosmidin s[s].† Ego Cinthius diaconus cardinalis sancti Adriani s[s].† Ego Ma[n]fredus diaconus cardinalis sancti Georgii ad Velum aureum s[s].† Ego Hugo diaconus cardinalis sancti Eustachii iuxta templum Agrippe s[s].† Ego Petrus diaconus cardinalis sancte Marie in Aquiro s[s].Datum Beneuenti per manum Gratiani sancte Romane ecclesie subdyaconi et notarii ix°. kalendas marcii. indictione iii. incarnacionis dominice anno m.c.lxix. pontificatus uero domini Alexandri pape iii anno undecimo. | Kilde:Diplomatarium Danicum 1:3, nr. 11 Emneord:Afgifter, told og skatter
- Tiende
Gejstlige institutioner og personer
- Biskop
- Domkirke
- Kannik
- Pave og pavestol
- Provst
|
