Ribe, 18. marts 988 Originaltekst, LatinIn nomine sanctae & individuae trinitatis Otto, divina clementia rex. Omnium fidelium nostrorum, tam presentium, quam futurorum piae devotioni pateat, quomodo nos ob petitionem & interventum dilecti nostri Adaldagi, Bremensis ecclesiae videlicet venerabilis archiepiscopi, ac pro statu & incolumitate regni nostri, quicquid proprietatis in regno Danorum ad ecclesias in honorem Dei constructas, videlicet Sliesuuicensem, Ripensem, Arusensem, Othenesuuigensem uel adhus pertinere videtur, vul in futurum adquiratur, ab omni censu uel seruitio nostri iuris absoluimus: & ut episcopis prescriptarum ecclesiarum, absque ulla comitis vel aliciius fisci nostri exactoris infestatione, serviant & succumbant, volumus & firmiter iubemus.Insuper concedimus predictarum ecclesiarum episcopis, ut potestatem habeant emendi agros, possessiones & predia in omnibus regni nostri partibus, ubicunque velint aut possint. Seruos vero & colonos in eorum proprietatibus habitantes, nulli, nisi iisdem episcopis servituros, ab omni etiam nostri iuris seruitio absolvimus & sub nullius banno uel disciplina illos, nisi sub illarum ecclesiarum advocatis esse volumus. Ad hoc etiam omnes fideles nostri dinoscant, quod nos Folgberti, nuntii ecclesiae episcopi, rogatu, omnibus etiam inquilinis suis qualicumque paratu euntibus in nostri regni finibus theloneum prorsus perdonavimus.Et ut hoc nostrae auctoritatis preceptum firmum atque inconvulsum permaneat, hanc cartam conscribi annulique impressione signari iussimus: quam & manu propria subtus firmavimus.Data XV. kalendas Aprilis, anno dominicae incarnationis DCCCCLXXXVIII. Indictione I.Anno autem tertii Ottonis regnantis V.Actum Wildeshusen. In dei nomine feliciter Amen.(Desuden skal alle vore trofaste folk vide, at vi efter anmodning af Folcbert, ærkebispens sendebud, for fremtiden eftergiver alle deres (bispernes) undergivne al told, hvor de end færdes inden for vort riges grænser, og med hvilket son helst gods, de medtager. | Kilde:Monumenta Germaniae Historica. Diplomata regum et imperatorum Germaniae I-II II, 41. Emneord:Gejstlige institutioner og personer - Biskop - Bispedømme |
