Næstved, 27. januar 1167 - 27. januar 1200 Originaltekst, Latin[27. Jan.] F. VI Kal. Februarii. Natalis sancti Johannis episcopi Constantinopolitani, qui Crisostomus appellatur. Item beati Mauri, abbatis monasterii Badonensis, cujus vitam plenam vitutibus vir illustris ac patricius Dinamius scribit. Et apud Bethleem, Judæ dormitio beatæ Paulæ, matris Eustochiæ virginis Christi.XII. Obiit Ida, sanctimonialis sancte Marie et sancti Petri in Lundis.XII. De eodem claustro obiit Aswor, monialis novitia.XII. Item Petrus, levita et monachus ecclesie sancti Petri de Nestveth.XII. Item obiit Sveno, filius Thorh, conversus ecclesie sancte Marie et sancti Nicolai in Bosaø. XIII. Item obiit Arina, relicta Æbbonis de Karlaby m......., que legavit fabrice duas marchas.XIII. Item eodem die obiit Katerina, relicta Bertoldi pistoris, que in memoriam sui reliquit ad ornatum ecclesie unam cortinam, valentem XX marcas denariorum, et II marcas denariorum, item ad mensam canonicorum II marcas denariorum.XIV. Anno domini M°.CCC°.XI°VIII°. kalendas sexto Februarii obiit dominus Joon Petri presbiter, qui curiam suam, in qua resedit, in parochia ecclesie majoris beate Marie sitam in presenda domini Petri archiepiscopi Lundensis scotavit et legavit in remedium anime sue ad altare sacerdotum parochialium in civitate Lundensi tali condicione, quod persona altaris, qui nunc est, vel qui pro tempore fuerit, dabit sex marchas denariorum novorum Scaniensium pro anniversario suo annuatim tenendo taliter distribuendas, primo ad fabricam ecclesie beati Laurentii tres oras, canonicis, qui misse et vigiliis interfuerint, duas marchas, vicariis, qui vigiliis et misse interfuerint, dimidiam marcham, pauperibus scholaribus in choro existentibus tres oras, pulsantibus in turri unam oram, fabrice ecclesie predicte majoris Marie dimidiam marcham, vicario ibidem tres oras, pro quibus celebrabit tres missas in die anniversarii sui, ministro ibidem unam oram, pro qua tenetur legere duo psalteria, ad fabricam vero ecclesie minoris beati Petri Lundis dimidiam marcham, vicario ibidem tres oras, pro quibus etiam celebrabit tres missas. ministro ibidem unam oram pro duobus psalteriis legendis, item vicariis missas celebrantibus in altaribus circumjacentibus prefatum altare sacerdotum predictorum dimidiam marcham, minoribus fratribus Lundis unam oram. | Kilde:Libri Memoriales Capituli Lundensis s. 21 - 22. Emneord:Gejstlige institutioner og personer - Kloster |
