Odense, 1095 - 1100 Sammenfatning, LatinLIBER UNDECIMUS XVOdense, 1095 - 1100 Originaltekst, LatinSed et posteri, paternam redolentes invidiam, sanctitatis eius formam non moribus, sed lacrimis imputant præsentique incredulitate præterito sese errori implicant neque adduci possunt, ut ipsius beatitudinem, deposito odio, sincere æstiment. Verum sacra eius, oppidulo orta, toto pæne terrarum orbe fulserunt, cultusque ipsius, primum a civibus exceptus, paulatim in commune prorepsit. Cuius tam vitæ quam miraculorum virtutem, privatim Othoniensibus venerandam, publica etiam religio consecravit. Sed et cælestem eius spiritum ad hoc usque tempus felix signorum fortuna prosequitur. Hinc est, quod Kanutus, divini iam animi immortalitate potitus, ut terrstribus patriam patroniciis attollere studuit, ita cælestibus protegere non desistit, ideoque sanctitas eius, gloriæ et celebritatis fructu opulentissima, splendidum in fastis locum obtinet. Quin etiam salutares effectus suos quotidianis administrat indiciis malitiamque patriæ beneficiis pensat. Nam virtutum eius insignibus omnis ætas Danica gloriabitur. Talibus illustrationis radiis sanctorum fatis claritas erogatur, cum cælesti beneficio mortalis livor opponitur. | Kilde:Saxonis Gesta Danorum I s. 329. Emneord:Gejstlige institutioner og personer - Konger og dronninger -
|