Odense, 10. juli 1086 Sammenfatning, LatinV. DE SANCTO KANUTO REGE ET MARTYRE.Ex libris memorialibus capituli Lumlensis.Odense, 10. juli 1086 Originaltekst, LatinVI. Idus Julii.Anno ab incarnatione domini millesimo lxxxvi. occisus est Rex Kanutus, uir christianissimus, qui inter cetera sue liberalitatis beneficia ecclesiam hanc a fundamentis leuauit et regali munificentia donauit. Hic idem in fide et timore dei perfectus, religione deuotus, pauperes alebat, nudos uestiebat; orphanorum pater, defensor uiduarum et patronus aduenarum ab omni eos iniuria defendebat; omnes omnino, quos poterat, ad cultum religionis et iusticie conuertebat. Cumque pro bis et huiusmodi diu ab incolis terre persecutiones et regni detrimenta sustinuisset, ad ultimum pene omnibus in necem religiosi principis conspirantibus, Rex pius sanctorum informatus exemplis ad auctorem pacis animum iterque direxit et sese cum paucis intra otheniensis ecclesie septa recepit. Tunc uero oculis et mente in celum intentus arma deponit, et uiuifice communionis Sacramento munitus flexis genibus suam suorumque animas saluatori fideliter commendauit. Atque ita, solotenus toto prostratus corpore extensisque manibus in cruce, transfixus cuspide in dextro latere, celeste regnum pro terreno Rex et martir promeruit. Sepultus est in eodem loco, ubi meritis eius beneficia prestantur petentibus ad laudem et gloriam domini nostri Ihesu Christi. Qui cum patre uiuit et regnat. | Kilde:Vitae Sanctorum Danorum s. 54 og 148. Emneord:Gejstlige institutioner og personer
-
Konger og dronninger
-
|
